വളരെ സ്വാദുള്ളതും നാലുമണി പലഹാരമായും പ്രഭാത ഭക്ഷണമായും വിളമ്പാന്‍ കഴിയുന്നതുമായ വട്ടയപ്പം എങ്ങനെ തയ്യാറാക്കാം എന്ന് നോക്കാം. വളരെ സോഫ്റ്റായ വട്ടയപ്പത്തിന് കേരളത്തിലെ പാചകക്കൂട്ടുകളില്‍ പ്രത്യേകമായ സ്ഥാനമാണുളളത്.
വട്ടയപ്പം
ആവശ്യമുളള സാധനങ്ങള്‍
അരിപ്പൊടി - ഒരു കപ്പ്തേങ്ങ - 1/2 കപ്പ്ചോറ്-ഒരു പിടിപഞ്ചസാര - 4 ടേബിള്‍ സ്പൂണ്‍ഏലയ്ക്ക - 2കശുവണ്ടി, ഉണക്കമുന്തിരി - 10 എണ്ണം വീതംയീസ്റ്റ് - 1/2 ടീസ്പൂണ്‍വെളളം - 1 കപ്പ്ഉപ്പ് - 1/4 ടീസ്പൂണ്‍
തയ്യാറാക്കുന്ന വിധം
മിക്‌സിയുടെ ജാറിലേക്ക് അരിപ്പൊടി, തേങ്ങ ചിരകിയത്, ചോറ്, ഏലയ്ക്ക ചതച്ചത്, 3/4 കപ്പ് വെളളം , പഞ്ചസാര എന്നിവ ചേര്‍ത്ത് നല്ല പേസ്റ്റ് പോലെ അരച്ചെടുക്കുക. ഇതൊരു പാത്രത്തിലേക്ക് മാറ്റി അതിലേക്ക് യീസ്റ്റ് ചേര്‍ക്കാം. കാല്‍കപ്പ് വെള്ളം ചേര്‍ത്ത് മിക്‌സിയുടെ ജാറ് കഴുകി അതുകൂടി അരച്ചതിലേക്ക് ഒഴിക്കാം. ആവശ്യത്തിന് ഉപ്പും കൂടി ചേര്‍ത്ത് നന്നായി യോജിപ്പിക്കാം.ഈ മാവ് പുളിക്കുന്നതിനായി 4 മണിക്കൂര്‍ വയ്ക്കാം. ശേഷം ഒരു പ്ലേറ്റില്‍ എണ്ണതടവി മാവ് കോരി ഒഴിച്ച് മുകളില്‍ കശുവണ്ടിപ്പരിപ്പും മുന്തിരിയും വിതറി ഇഡലി പാത്രത്തില്‍ വച്ച് ആവി കയറ്റി വേവിച്ചെടുക്കാം.
Content Highlights :Let's see how to prepare a nice, soft vattayappam